۱۳۸۵ مرداد ۵, پنجشنبه

 

او منی گوهار

په بلوچئين گوهاران
او منی گوهار ، او منی گوهار
چمان وتی پچ کن بچار
بشکُن وتی براتء توار
نئيست اِنت منا بازئين کرار

او منی گوهار ، او منی گوهار
پرچا تو هستئی بئ توار
بيا منی گوهار، بوشت منی کنار
جاه تئی نه انت بس مان دوار

او منی گوهار ، او منی گوهار
در بو چا ائی لونجئين تهار
دئيما وتی دستان شهار
حقاّن وتی پجاه بيار

او منی گوهار ، او منی گوهار
پرچا گرئيوئی زار و زار
تئی دل، من زانان نئيست تلار
بلئی ائی بوت نکنت اِنت تئی سِزار

من الّمان او منی گوهار
دگنيا نبيت اِنت يک کرار
بل بازئين وتی لج و ميار
بيا بوشت گون مردان يک کتار

او منی گوهار ، او منی گوهار
بيا که کنئين گون هم کرار
پادآ ! کنئين سلّ رسمَ ءا گار
پچ کنئين راهِ ائی پا آ نوکئين ديار

او منی گوهار ، او منی گوهار
شستونِ ء تواران گوش بدار
استونَ جنت اِنت يک کرار
تان کد بنندئين اِنتظار؟

ر - شستونی – نوامبر 1989 ( آبان 1368)

# posted by شسـتــــونی @ پنجشنبه, مرداد ۰۵, ۱۳۸۵
Comments:
thids was a good poem. You can use the following font.
Karim

http://www.nilgoon.org/articles/Nikfar_Identity_and_Ideology.html
# posted by Anonymous ناشناس : چهارشنبه, ۱۸ مرداد, ۱۳۸۵
 
ارسال یک نظر



<< Home

This page is powered by Blogger. Isn't yours?