۱۳۸۸ بهمن ۲۷, سهشنبه
بلوچی زبان و کوهنئین پارسی - پهلوی شعر: امین دهواری
مڑھدارین چارؤک و وانؤکاں،
اے شعرا، من چہ واجہ امین دھواری ۓ وبلاگ زرتگ و پہ بلوچی نام و نشان ۓ ھدؤناکاں ادان پدا شنگ کناں۔ واجہ دھواری، چونائیا، بلوچی زبانۓ تھا نؤک باھندین شاعرے، بلے، چو دلۓ پاھار، دلا جل دنت و سؤچ انت و جہ منند بنت۔ امیت انت کہ شما را ھم دوست ببیت والبت اے واجہ ۓ دلبڈیا ضرور بکن ات۔
منا پهل کن ات که من په وتی دلا، نبیسگئ رهبندا بدل کرتگ تا که وانگئ آسانتر و راحت تر به بیت.
وشنام بات ات
شستونی بلوچ
=
عکس مقبره سلطان بابا حاجی دزکی از وبلاگ میراث فرهنگی سراوان که دفتر آن در مرکز شهرستان (شستون) است به عاریت گرفته شده است. منت وارون
شاعر: امین دهواری
بلوچی ھربلوچۓ ٹھل و شان انت
بلوچی مۓ شمۓ ماتی زبان انت
بلوچی مۓ شمۓ نام وننگ و
بلوچی مۓ شمۓ نام ونشان انت
بلوچی ھر بلوچۓ ساہ و جان و
بلوچی مۓ شمۓ شھدئیں زبان انت
چہ رؤایرشت بگر تا رؤدراتکا
چہ پھکئیناں کدیمی مۓ زبان انت
مہ دنیایا نگندۓ مٹ و درور
کہ بنگیجی کدیمی پارسیان انت
مہ اے بارہ گوشیت واجہ الفنباین
اوستا، پھلوی، مادۓ میان انت
بلے مرچی چے پش کپتہ زبانا
چو ڈونڈے کپتگ و مورینک وران انت
مہ آس و انگران کپتگ بلوچی
چہ بندر، ریشگانی گؤں سچان انت
چہ چار نئیمگ پرنچگ بوت بلوچی
چو مشکے پٹـیت و آپی رچان انت
عرب، اردو و اوگان دست پہ دستا
دگہ دئیمے مئی پارسی زبان انت
شموشگ بوت چہ مجگا آ بلوچی
زبردستئین زباناں ھؤر بوان انت
بلوچانا چے حالے گپت مروچی
وتی ماتی زبانا دور بوان انت
اۓ وانوگر، آ زانتکارو زبان پول
امین ۓ اے دو گالا شر بزان انت
۔۔۔۔۔۔ (سرجمئین شعرا ماں واجہ امین دھواری ۓ وبلاگا بوان ات)
زورگ بوتہ چہ : سلطان سلاطین اللہ – پیسریگین مریدان سلطان بابا حاجی دزکی
